Eigeni Bängg 2021

06.02.2021 Jetzt wäär aigentlygg Ouvertürli … daammi nomol

Saly Zämme, e Väärs vom Pingge,

myr syn aggtuell nur z'Viert am Stingge,

dr Knoobli baadet im Caquelon büschelwiis,

nääbem Schnaps gyts au no «Cheese»,

s'Ouvertürli 21 ysch scho Gschycht,

dr Pingg, Navy, Gyftgrüen und Gääl halb dycht,

aggtuell ysch nix möögligg, wie diir wysst,

Buäbe und Faasnacht wärde schwäär vermysst,

als Trooscht e paar persönlygi Ziiele,

bevor mr weeder könne Lyeder fiiele.

 

Zur Weinachtzyt ysch jewiils e Briefli koh,

ii han d'«Lage zur Wält» vo min Gotte vernoh,

politysch unkorrekt, wie sych's fyr d'Fasnacht gheert,

hän myr immer gseit, sii ysch halt chli gsteert,

het immer e Lacher könne schängge,

die folgende Ziile, em veruggte Gotti in Gedängge.

 

Liebi Ärde, goht's dyr noo,

pösi Viire uf d'Mensche looslooh!?

händ doch alles gmacht dys Aatliz z schööne,

mit Verschmutzig aller Art, dyy z verwöhne,

milliardefach händ mr uns vermeehrt,

wie sych das fyr Parasite gheert,

e Finanzsysteem händ mir etabliiert,

wo um dys Wohlergehe sinniert,

sogar e orangene Aff händ mir gwäählt,

dyr dr'Rugge im Amiland stäählt,

sini Affeluut händ myr ertraage,

damit äär dyr hilft in allne Laage,

sogar e Träffe mit dr'Greta hät's gähh,

das hätt är sych nit loh nähh,

dääree hysterysche Jugend z zeige,

was mit Klimaschutz kasch erreiche.

 

Liebi Ärde, au du muesch anerkenne,

wenn d' Amis e Kamel als Vize ernenne,

dä Schutz vo dä Arte ysch uns wychtig,

Unterscheed gänzlyg nichtig,

alli sin gliich und mänggi chli gliicher,

die riiche riich und mänggi chli riicher,

spielt kai Rolle wäär an dr Macht,

s'Volk ysch nochhaltyg dumm gmacht.

 

Liebi Ärde, zieh in Bedracht,

myr hän us Virologe, Popstars gmacht,

jeede Daag in jeedere Zytig,

vom Mändigg bis am Frytig,

gänd syy eehri Weesheite kund,

ändlig schloht eehri Stund,

lueget syy naa in eehre Pracht,

wie fyr die Zyyte gmacht,

dr neuy Mesias het studiert,

sys Bild mys Schlofzymmer ziiert.

 

Liebi Ärde e baar versöhnliggi Wort,

loss uns weenigstens dä Sport,

Skifaahre myt dr Vreni Schnyyder,

in Sache Après-Ski syn mr gschyyder,

loss dr'FCB wieder Maister wäärde,

das wär dr'Himmel uf Äärde,

fyr alli Berner als Stroof, will sys nit schaffe,

die verdammti Stroos uf Bärn schnäller z'mache.

 

Habe fertig. dä Pingg